Álvarez Torneiro Premio Nacional de Poesía, dende o vivir

“Os ángulos da brasa” é o poemario de poesía (Faktoría K de libros) que ven de acadar o Premio Nacional de Poesía 2013. É obra do serodio autor coruñés Manuel Álvarez Torneiro (1932). Noraboa !

                                             Neste momento existo simplemente.
                                             Simplemente respiro, ollo a árbore.
                                             Sobrenado na calma do crepúsculo,
                                             pronuncio este silencio, oio o profundo
                                             corazón que non late por un intre.

                                             Non hai unha aventura que me agarde.
                                             Non hai can que me ladre dende un soño.
                                             Unha man sobre a outra. O corpo como lonxe...

                                             Habítame unha inmóbil aspiración a nada,
                                             unha absorción de agosto.
                                             Florezo no abandono.

                                             Case non sei de min si pecho os ollos.

    Unha reflexión dende o cotián en ‘Trama de vida’, ‘Terreal e sagrado’ e ‘Tapiz de cinsa’. 

                                                        "Vivimos. 
                                                        Simplemente. 
                                                        Yo y la amapola". 
                                                                                      Kobayashi Issa 
                                                                                        (1763-1827)