martes, 21 de febrero de 2012

Esencias do Entroido ourensá de visita nun colexio de cidade

Posando na entrada diante do alegórico mural mariano marista, do Ir. Santamarta 

O xoves pasado -'de Comadres' en Xinzo de Limia- visitaron o Colexio Marista 'Santa María' de Ourense os Felos de Maceda (con medias negras e viril bastón) e as Pantallas de Xinzo de Limia.  Dende materias docentes troncais, como Lingua Galega, e o alento da dirección pedagóxica de Infantil e Primaria, chegan por segundo ano consecutivo o centro educativo visitando ós alumni nas aulas e facendo algunhas carreiras polos longos pasillos do edificio capitalino da rúa Bedoya.

Eis un plantexamento pedagóxico a salientar cómo se debe. A relación matricial coa historia da nosa terra, expresada dende o eido etnográfico, ten unha relación causa / efecto neste centro educativo dende a docencia, relación polo demáis campo-cidade que non se debe esquencer e si fomentar pois a terra é unha, como unha debe ser a cultura que alenta esta manifestación cultural. 

Outra pose das Pantallas e dos Felos (fotos de Oscar Fdez. Pérez)
Desta volta a Limia Alta -Maceda ou Manzaneda de Limia- e Xinzo, o centro natural e histórico da Comarca, Felos e Pantallas, dous atávicos representantes dunha moi antiga tradición (máis recente no caso de Maceda, derivada de Laza).

Os Peliqueiros (Laza) e os Cigarróns (Verín) tamén virán, sen dúbida, nos próximos anos, como as Mázcaras (Manzaneda) e Boteiros (Viana do Bolo) : mentres, velaquí vai este anticipo en crave artística pictórica da man de Leonardo Vidal, artista que traballa e vive na vila capital do val do Támega.

A fermosa muller durme logo de sair e soña que a visita todo o Entroido de Verín
(obra de Leonardo Vidal)

   

No hay comentarios:

Publicar un comentario