ARTE ET ALIA. XABIER LIMIA DE GARDÓN
No vestíbulo superior do Auditorio está, dende hai uns días, “Rías Baixas. O viño do mar’, do fotógrafo coruñés Xurxo Lobato. É parte dun traballo de encarga máis amplo para conmemorar o 25 aniversario da Denominación de Orixe vitícola Rías Baixas. Foi a súa estrea no verán de 2013, amosándose en prestixiosas salas do País Galego, caso do Centro Sociocultural da Fundación Novacaixagalicia da A Coruña, a de AFundación de Vigo, e tamén en Santiago..., chegando agora ata Ourense, onde estará ata finais de xuño. O gran fotógrafo fai unha especie de crónica visual, que quere ser unha homenaxe ao ‘viño enamorado do mar’ (sic). Na selección de imaxes en varios paneis consegue amosar a paisaxe da Denominación de Orixe, panorámicas e primeiros planos, con algún picado, encadres todos e descritivos. Ao longo dun ano de traballo, quixo expresar, coas súas cámaras e obxectivos, cómo viña e adega mudan: eis o traballo e os días, como deixou dito o gran Hesíodo. Máis Lobato presenta sempre a faciana amable e dourada da actividade económica, vistas de postal.
(artigo semanal no Diario La Región)
Esta é unha paisaxe de cores intensas dende as castes monovarietais, organizadas en ringleiras simétricas de ar marcial que destacan entre os cultivos de horta de minifundio e as árbores. O viñedo en espaldeira, cos parrais facendo innumerables túneles lintelados, arquitectura vexetal necesaria para evitar o exceso de humidade, nas modernas plantacións con sistemas mecanizados e o tradicional e característico minifundio máis humanizado, fotos nas que a luz das estacións climatolóxicas e a proximidade da mar, con choiva e neboa, ou nas tardes de calor abafante, que suaviza e prende nas vides e acios. Todo elo trae dende a memoria artística as variacións de Claude Monet, diante da catedral de Rouen. Logo está a labor do enólogo... Tódalas fotos, ata 265, e un texto ad hoc, do que é autor o académico Cristino Álvarez, conformaron un libro trilingüe que acadou o “Best Wine Book Award 2013” na categoría de libro de fotografía e viño de España fotografías, que se amosa nunha vitrina.
Máis recente que a orixe desta exposición fotográfica viaxeira, que chega con discreción en tempos electorais no mes que se inicióu coa Feira do Viño en Ribadavia, esta Denominación de Orixe fixo unha saída estratéxica coas fotos de Lobato (e música de Guadi Gallego) e catro ribeiros do Ribeiro: un novo plan, as ‘Emocións by Ribeiro’, que se iniciou na Cidade da Cultura compostelá no contexto da exposición xacobea ‘Camiño. A orixe’. Porque o viño é un producto esencial do noso patrimonio, que se une aos outros patrimonios, o dunha terra, coa súa historia, que é vida de seu nunha paisaje propia. As imaxes de Lobato son unha fermosa narrativa para chegar ao corazón da xente que ama as Rías Baixas, as recortadas terras dun dos máis afamados viños brancos galegos de España. Máis nos nosos ribeiros do Ribeiro, o do Avia, o do Miño e o da Arnoia, tamén ‘maduran racimos de estrellas... en los sarmientos de las noches’ como escribiu Dª Emilia Pardo Bazán.
Máis recente que a orixe desta exposición fotográfica viaxeira, que chega con discreción en tempos electorais no mes que se inicióu coa Feira do Viño en Ribadavia, esta Denominación de Orixe fixo unha saída estratéxica coas fotos de Lobato (e música de Guadi Gallego) e catro ribeiros do Ribeiro: un novo plan, as ‘Emocións by Ribeiro’, que se iniciou na Cidade da Cultura compostelá no contexto da exposición xacobea ‘Camiño. A orixe’. Porque o viño é un producto esencial do noso patrimonio, que se une aos outros patrimonios, o dunha terra, coa súa historia, que é vida de seu nunha paisaje propia. As imaxes de Lobato son unha fermosa narrativa para chegar ao corazón da xente que ama as Rías Baixas, as recortadas terras dun dos máis afamados viños brancos galegos de España. Máis nos nosos ribeiros do Ribeiro, o do Avia, o do Miño e o da Arnoia, tamén ‘maduran racimos de estrellas... en los sarmientos de las noches’ como escribiu Dª Emilia Pardo Bazán.
No hay comentarios:
Publicar un comentario