Xa chegan os Reises

Escena principal do Belén de Maite Vázquez na capela do Rosario, sita na nave norte da Catedral de San Martiño / Ourense.

Detalle do frontis da monumental tumba dun Bispo, Vasco (Velasco) Pérez Mariño, Catedral de San Martiño / Ourense. Séc. XIV, primeira metade. 

'El devoto Prelado no sufrió apartarse aun despues de muerto de su adorada Imagen, y mandó le enterrasen junto al Altar del Christo, como se hizo. Pero trasladada la Santa Imagen à la Capilla magnifica, donde hoy se venera, vino à quedar el sepulcro enfrente del Santo Crucifijo, donde ahora el Altar de Santiago'. Cfr. frei Henrique Florez, “ España Sagrada", Madrid, 1763, Tomo XVII, Tratado 57, Capítulo 6, páginas 121.

Jean Bourdichon: horas de Ana de Bretaña, f. 64 v. (Era la esposa de Carlos VIII y Luis XII)

Miscelánea de arte en Reis

De César Prada

Os marcos expositivos rachan máis aló das galerías tradicionais, e na rede complementaria da cidade, o primeiro nivel é o Café Isaac, no que Moxom de Montederramo oferta unhas obras escollidas dende as raiceiras -cerne da terra-; mais tamén están pinturas de Baldomero Moreiras ou César Prada, aquel máis escuro, este luminoso; con aqueloutra peza broncínea de Tony Ferrer, que comparte oferta e inquedanzas.

Por outra banda un coleccionista privado vende obra na Galería Visol, sendo unha de Xosé Luís de Dios de 1964, unha nai e unha filla, a máis salientable. Hai ademáis algunha de Prego de Oliver; ou de Virxilio e Baltar, amigos e compadres. A crise económica invita á movelas de mans.

Outro é o caso das burguesas instalacións do Club de Tenis (nas que se insire o Ateneo dende fai uns meses, confluencia conxuntural de supervivencia mutua), onde presenta Lola Veiras unha ampla mostra dende a súa percepción como decoradora e pintora. 

Trátase dunha exposición en toda regra na que a autora mostra en grandes e pequenos formatos a súa pintura caracterizada por amplos empastes de cor, vitalista, á que nos ten acostumados. Arumes de congostra ou Fantasía -un bodegón mariño-, son obras de interese.

Costa da Morte de Lola Veiras

Noutras é a liña a que conduce o ritmo, máis algo esmorecido e con menos forza. Por máis que os regalos semellan estar no gozo gratuíto da deleitación dende a contemplación.

Maite Vázquez posa diante do seu Belén para a Catedral (foto Xesús Fariñas para La Región.

Este é o ámbito do Belén que cada ano coloca a candorosa e inspirada Maite Vázquez na Catedral. Preséntao nunha capela da nave con escenas ás que lle vai engadindo santos, como desta volta 'Santa Eufemia'... Un tema iconográfico oportuno dado que seica vai ser a 'Peza do mes' do chamado Museo Arqueolóxico de Ourense -que non existe de facto dende fai case tres lustros, como os visitantes e ourensáns sabemos-, santa que é copadroeira da Catedral.

Nadal desde Ourense (versión standard)

Onte luces 'on' na Praza Maior (derradeiro día do outono: hoxe xa inverno of course!)

Esta a comezos de mes, no cemiterio de

 San Francisco, un recordo institucional interesado para Blanco Amor...

E finalmente -aínda que non por último- esta felicitación hai uns anos (que non son nada)... 

Mais rematemos como escomezamos: luces na noite dende a 'praza maior': esta será a de tódolos ourensáns cando as ourensanías se xunten máis aló dos partidos políticos (que deben reflexionaren e actuaren para representarmos a todos e non apenas máis que a eles mesmos): esta será a súa tarefa, no tempo de Natal, e no próximo ano, xuntos...