'Banzo' de Xela Arias / fotos Xulio Gil

BANZO


É dolor de ver a quen ven que vai
pasar agora agoniada no poder do gozo a perda
nada infantil e groseiro presidindo veces
fuga va das cadeiras asentadas así percorridas

De bechos.


Tigres coma Cabalos, Xela Arias / fotos Xulio Gil
(Xerais, Vigo, 1990).


Deste gran libro, con deseño gráfico de Miguel A. Vigo, con foto da portada de Xulio Gil
Dende 24 fotografías e poemas, que se intercambiaron, a outras 24 creacións a posteriori. Foron trece os modelos que posaron para o fotógrafo, entre elas a propia Xela Arias, compañeira súa.

            Así 'foi o modo. Publicouse sen pés de foto, nin ilustracións ó texto'.

Fol. v./ dereita

              (As fotos do libro son nosas, viradas en sepia: o tempo que se mai marelo no papel...).

Fol. r. /esquerda

Lucía Barbeito escribiu dil: 'En 1990 publicou, en colaboración co seu marido e fotógrafo Xulio Gil, Tigres coma cabalos, obra de grande repercusión en que se mesturan poemas e espidos da autora. O libro trasmítenos unha mensaxe a prol da sinceridade e da procura dos sentimentos máis básicos'. 

Nada en Lugo en 1961, a autora morreu en novembro de 2003. Tiña 41 anos.

Neste ano o seu nome sonou con forza para dedicarlle o próximo Día das Letras Galegas...