De sancristía a sé da 'Academia auriense-Mindoniense"

Dende fai un ano a sancristía-trasteiro da igrexa parroquial de San Salvador de Celanova foise acondicionando para trasformarse na sede da 'Academia Auriense-Mindoniense' de San Rosendo.

Dende un punto de vista eis a recuperación dun espacio de servizo eclesial do antigo mosteiro bieito (máis de 39.000 euros).

Pero tamén algo máis.

Na nova sala loce o mobiliario ad hoc e un dos antigos armarios 'de anticuario' que aquí había. A sesión anual de onte era especial tamén por ser o día no que se cumprían 1404 anos do nacemento de San Rosendo, fundador de Celanova e Bispo (unha data moi sinalada tamén para outros que cumprimos anos neste entorno).

Decoran as paredes cadros do artista José Antonio Ocaña Martínez (membro da Academia) e de Queralt Blanch  - a muller deste é prima do cura de Celanova, quen é membro dela tamén (ut supra na foto de La Región) -.

J.A. Ocaña Martínez: 'Evocación ante S Miguel de Celanova' (Rudesindus), 2010 

Na reunión tamén se fallou por vez primeira o "Premio de Investigación Manuel Iglesias", ó que non se presentaron traballos, polo que decidiron concederllo por méritos ó monxe cisterciense de Oseira, Frei Mª Damián Yáñez Neira, zamorano de Morales del Rey (12.Decembro.1916) que leva dende os difíciles anos cincuenta na hoxe Abadía. Ten contribuído decisivamente a recuperar libros para as bibliotecas do complexo monástico e tamén documentos para o arquivo. Ten levado a cabo ademais unha grande labor como historiador afeccionado no eido intelectual monástico, principalmente. Este mérito é destacado pola Academia ("la labor de investigación que hizo").

Fr. Damián facendo que escribe nun libro (web do MºOseira)

Noraboa a este nonaxenario monxe, co que temos compartido libros e coñecementos ó calor da amizade ó redor de Oseira e Cea e, dun tempo a esta parte, no 'Grupo Francisco de Moure', no que estudamos a arte de Ourense.