CON XULIO GIL ‘CEA REFULXE’

ARTE ET ALIA

XABIER LIMIA DE GARDÓN

Santiago é de arte e de pedra. E ten unhas pedriñas pedras de chocolate e améndoas, que fai unha famosa pastelaría. Cea é pan, dende fai centos de anos, e dende fai máis de dous lustros refulxe coa Indicación Xeográfica Protexida e os seus dezasete fornos. 

Xulio Gil, gran fotógrafo galego, tennos amosado dabondo dende fai décadas, con gran técnica e sensibilidade, ser un especialista na arte monumental Galega. 

Así se pode apreciar no libro que ilustra para o texto de Bieito Iglesias e Engaiolarte Edicións, que ben de presentar no Centro Cultural, espazo onde fai uns meses a súa mostra fotográfica ‘Retablos e Diálogos’, triunfou no outono ourensán. O retablo do Pan de Cea que se estreou loce agora no centro da exposición que coordinamos, ‘San Cristovo de Cea refulxe’. 

Xosé Luís Valladares, alcalde de Cea, saúda ao autor Xulio Gil,
e a Xabier Limia de Gardón, comisario da mostra.

Ao seu carón un feixe selecto de imaxes cheas de fermosura e ‘savoir faire’ do mosteiro cisterciense de Oseira. Os tres claustros desde as respectivas fontes, escaleiras, bóvedas da igrexa e capítulo baixo, os santos... 

Xabier Limia explica as craves da exposición ante Pilar Gª Tizón, Aurelio Gómez, Gonzalo Fernández, Jesús Manuel García, Pepe Puga e Xulio Gil, á dereita; e Xosé Luis Valladares, Carlos Rodríguez e Maribel Dávila, á esquerda da foto.

 As rechamantes alfaias seleccionadas polo fotógrafo ourensán-vigués son, a esencia do Concello. Ámbolos dous serán tratados nun curso monográfico da UNED-Ourense na próxima fin de semana. A exposición poderase visitar ata fins de abril, na primavera.

Xabier Limia entre Maribel Dávila e Jesús Manuel García, con Pepe Puga e Gonzalo Fernández á esquerda.