ESPRANZA NO OUTONO (POESÍA E AUGA)

A semana pasada comezaron de xeito paseniño as chuvias, que se espallan por fin pola Autonomía dende o domingo logo de moito tempo ! Foi ó día seguinte da presentación no Ateneo -unha das derradeiras da súa historia na súa sede da Torre de Ourense- do libro "Alegato contra casi todo" do poeta Eduardo González Ananín (Tibiás, Pereiro de Aguiar, 1926), publicado por Pena D´Agua Edicións, con prólogo do profesor Xesús Alonso Montero (Vigo, 1928).

O poeta na redacción local de El Faro de Vigo

Chégame hoxe -intermezzo entre borrascas- a nova da presentación o 31 de octubre da antoloxía de Victor Campio Pereira “Quince sonetos de amor, e onde poemas máis”, realizada por aquel prologuista.

O cadeirádego Alonso Montero fixo a laudatio de Campio Pereira (Garabás, Maside, 1928) cando foi nomeado 'fillo predilecto de Amoeiro' (con Francisco Luís Bernárdez) o pasado 20 de novembro de 2010. A obra divulgativa dun dos nosos grandes da poesía ve a luz porque Francisco López Rodríguez, Director Xeral de Promoción e Difusión da Cultura, recolleu a idea.

Eduardo G. Ananín escribe no seu libro -dirixíndose ós manipuladores do mundo- así:

"No confíes ¡oh músculo! jamás, en quien te oprime

Cuanto más parlotean más te asfixian

Es la metamorfosis del crimen difusivo, que nos cubre de herrajes".

Este dende os seus oitenta e cinco anos (e Víctor e Alonso Montero...).