O país das vacas de Xurxo Lobato

"VACAS"(Ed. Everest) de Flavio Morganti (Restaurante Galileo, Ourense) foi 'Premio Gourmand 2007' ó mellor libro de cociña de España, o que é como decir que acadou o "Óscar" das publicaciones gastronómicas.

 
Obra propia (máis coral), moitas das fotos foron do fotógrafo Xurxo Lobato.

O libro foi a reivindicación das vacas no desenvolvemento de Galicia. Vindicación ante todo. Receitas con carne de vacún e paixón polo autóctono da súa nova terra, a da súa muller e fillos.

O libro das vacas, para os galegos. Porque co porco e as castañas, patacas e millo (ademáis de viño) somos (porque vimos) delas. O icónico animal da cultura e a economía do noso país.

       Máis xa Manuel Rivas con Un millón de vacas (1990) -libriño de relatos- acadou un grande éxito: 'Premio de la Crítica'. Daquela aínda había vacas nos concellos..., e os bois (e as vacas) tiraban polo carro. Máis xa ían a menos dende os anos corenta.

De comezos desta década foi o documental etnográfico "O carro e o home" de Antonio Román (1941). Rodado nas terras montuosas e atrasadas da Lobeira de Xaquín Lorenzo, de quen é o guión, o pequeno gran film restaurado polo malogrado cineasta Eloy Lozano Coello é un fito.


Estes son algúns dos antecedentes da exposición de Xurxo Lobato. El mesmo ten un tamén: o libro "No país das vacas" (Ed. Xerais) a finais de 2009, obra xurdida dende o de Morganti. O fotógrafo (A Coruña, 1956) fixo daquela ducias de fotografías, ás que achegou uns ensaios e testemuñas. Foi entón así presentado no auditorio da Fundación Caixa Galicia da Coruña, ateigado de autoridades capitalinas...

Quesada en Faro de Vigo

          Chega agora en forma de exposición ó Museo do Pobo Galego (Santiago de Compostela), onde se poderá ver ata o 1 de abril. Logo virá a Ourense, e irá de xira a outras cidades e vilas do país (Vilagarcía, Vigo, A Coruña, Silleda, Pontevedra, Lugo).

Patrocinada por Larsa, a exposición do Museo santiagués conta coas reflexións de Manuel Rivas, Ramón Villares ou a presidenta da Fundación Paideia, Rosalía Mera (by Inditex), ou o presidente da Real Academia Galega, o ourensán Xosé Luís Méndez Ferrín...

Xosé Lois en La Región (Ourense)

Máis tamén de Enrique Sáez, presidente Fundación Juana de Vega; Lourenzo Fernández Prieto, catedrático de Historia contemporánea da USC; Miguel Anxo Seixas, gandeiro e vicepresidente da Fundación Castelao; José Luis Gómez, Felipe Senén...,

..., Antón Losada, Amancio Liñares; o gandeiro Xusto Sánchez; Higinio Mougán, Xosé Turnes, Xosé A. Fraga, José A. Tellado, de Larsa; Xesús Ferro e Pedro Benavente, co-autores do libro "Vaca"; José Ramón Justo, Luis A.Vázquez de “Ternera Gallega”; Flavio Morganti, e Fátima Otero, crítica de arte...

Rematamos co oportuno icono de Xosé Lois (entre nós O Carrabouxo)  dun medio en galego que está a nacer...